因為火山口有毒氣既關係,我們只好返回草千里了,
真係唔明白,在咁靚既天氣下竟然登山失敗,
唯有盼望待會兒可以再上山一睹火山口既奇景啦!~!
到達草千里後老婆嚷著要騎「鞠鞠馬」!~! 註:鞠鞠是馬兒行路的聲音
在一望無際既草原下,當然要擺下pose影下相啦!~!不過各位要小心牛糞呀!!!
當然我們亦都來一個指定「興奮」pose啦!~! 看誰跳得高一點吧!~!
跳到攰就坐下來享受日光浴吧!~!真的優哉游哉喔!~!
我們在草千里影咗唔少相呢!~!我亦教下飛人如何用單鏡機!!!
玩咗一大輪,終於來到嚟「草千里」既戲肉 ~ 騎乘體驗!~!
看飛人多有型!~!騎馬20分鐘盛惠3000円!!!
轉眼間走了一圈,飛人說:「好好玩呀!!!不過騎到大脾有d痛,馬唔臭,
最好笑就係原來馬識得避糞,它看見前面有"督"新鮮糞,好巧妙地避開了!~! 哈哈哈」
騎完馬後再次折返看看可不可以登山,結果再次失望而回,我們只好認命了!!!
之後我們改變行程先到「阿笨阿占動物園」,然後再次上山看看可不可以登山
我們又再次回到米塚
很多「和牛」通山走 !!!
不過半小時既車程,我們到達了動物園,
其實當時巳經下午三點半了,而動物園則五時半便關閉,剩下不足兩小時,所以都幾趕呢!!!
入園後第一件事要立刻到表演場地欣賞阿笨同阿占既演出,
因為三時半係最後一齣表演了,若錯過了就會白白浪費了2300円的入場費呢!!!
阿笨與阿占不愧為台柱,表演場地嚴敢攝影攝錄,
因此我們只好乖乖地付上1000円才能跟它們合照!!! 真的有一點失望呢!~!
不過此動物園若非靠它倆,恐怕要執笠了!!!
其實妳問我喜歡它們嗎?我只是抱著看過就算,到此一遊的心態吧了,
不過最後最開心的反而是飛人,因為她跟很多動物作零距離的接觸!!!乜得抵返晒啦!~!
看完show後我們去看了黑熊!!! 這動物園最值得讚賞的是一點臭味也沒有!~!
而且工作人員態度又好!!! 確係值得一讚呢!!! 可愛的黑熊還跟我們say hello呀!!!
我們跟黑熊BB女合照,它很重呢!!!有差不多30kg,戴上口罩不會咬人,不過都有點驚呢!!!
它只顧著手上的蕃薯條,不停吃不停地吃!!!
跟住輪到倉鼠了,很大隻呢!!! 我自問就不敢去抱"老鼠"了!!!
來到鸚鵡館才知道原來它們的叫聲是可等刺耳呢!!!差點被它嚇死呀!!!
大膽!!!我老婆真係膽大包天,連蛇都玩埋一份!!!
唔好睇佢好輕鬆在撚蛇呀,實情睇下佢條頸驚到硬哂軚呢!!!
我都要佩服她的勇氣和"我不入地獄誰入地獄"的精神!~!
其實我係一個好怕動物的人,除了之前在家養的兩隻波斯貓就例外!~!
所以在場內我唯一夠膽掂的動物就是「和牛」了!!! 因為它反應慢吖嘛!!!!!!!!
這隻羊駝給我的感覺是很高傲的!!!不過當飛人餵嘢佢食時就只好乖乘聽話了!
二三十隻不同種類既狗仔俾妳任玩,飛人玩到不亦樂乎!!!
之後看埋最後一個企鵝show,很得意既企鵝仔呀!!!
見還有時間就四圍再走走!~!
看我倆誰扮驚恐的表情最好笑呢?~?
行下行下看見竟然有直升機坐,還可以近距離觀看火山口,
這賣點確實吸引我們,因為我們今天登山失敗嘛!~!
不過每位要13500円既價錢加上只是20分鐘,又真的令我們卻步,
雖然那一刻真的有點心動.......最後只好跟別人說聲再見!!!
跟大黑熊說聲再見,我們便離開動物園了
在售賣紀念品的地方掃咗一輪貨,順道跟阿笨阿占說聲Bye-bye!~!
之前在粟米檔買下的粟米 , 口感像蘋果 , 十分多汁的!~!
心有不甘下我們再次登上阿蘇山,不過去到的時候巳關門大吉了,
本想看看日落才走,不過因為恐怕夜晚黑麻麻難下山路便決定離開此地,
向下一站熊本進發!~!
在熊本跟阿蘇的公路上被我們發現了一間燒肉放題,只是1050円一位任食個半鐘,
唔好以為平就等於質數差呀,食物勁ok,有牛肉,豬肉,雞肉,馬肉,仲有雞內臟,帶子等等,
還有失驚無神推出的炸雞和章魚小丸子!~!
呢個家庭式經營的燒肉店確實不錯!!!
可知道我果日吃完溫泉旅館的早餐後,直到現在為止就只吃了一口粟米,
今晚可以瘋狂開懷大吃了!!!!!!!!!!!!!!!!!
由阿蘇往熊本只是個多小時車程,
因為今晚我們入住的是連鎖集團酒店,不包早晚兩餐,所以晚一點到也沒所謂,
本想夜遊熊本城的,不過見它差不多夠鐘熄夜燈了便回酒店去!~!
可是GPS卻又再次帶錯路,進入咗一處不知名的民居,
好在有熱心日本人幫我們在GPS上輸入日文拼音的地址,最後終於找到酒店了!!!
Mazda既GPS系統實在太豈有此理了!!!
下期預告 ~ 熊本城 & 火山口
so sweet young couple
回覆刪除Yeah !~! You too ....... ^_^
回覆刪除