昨天晚上因為浸完溫泉才睡覺,所以睡得十分甜美,
第二天一早起來當然要浸多次啦!~!原來一早起身浸溫泉是一件何等美妙的事情呢!~!
一邊聽著流水聲,一邊聽著雀仔叫,很是寫意
雖然這間溫泉旅館不算很高級,不過溫泉卻是咁多日以來最受我兩公婆讚賞的!~!
之前有些blog友問為何可以入去影相,其實我們浸的是「家庭風呂」,
只係for family use, so兩公婆一起浸都沒有問題呢!~!
浸完露天風呂便享用早餐,食肉獸的我看見菜式亦不禁有點茫然,
「得舊魚」咋?~! 不過意外的是那隻溫泉蛋卻令我添了三碗飯呢!!!
所以話呢「平凡是美」!~!
食飽了check-out就開車走人了,第一個目的地是"金鱗湖",
此湖在秋天至初冬時湖面都佈滿了晨霧,會展現出如夢幻的景觀 !~!
雖然現在是初夏,不過也很想到此看看呢!~!
在車裏GPS輸入此地的電話號碼,便靠它的指引了,
不過越行越唔對路,行下行下上咗山路,心想難道金鱗湖是在山裏面嗎?
明明看過之前的blog友很容易步行就到,為何要上山咁搞笑呢?
雖然心裏出現一大堆疑問,不過卻被美景吸引著,
看著窗外綠悠悠的一大片草原,暫時把問題掉埋一邊吧!~!
自駕既樂趣就是喜歡停就停,包括在馬路上,
從旅遊書得知身後的那座山叫做「由布岳」,一於停埋一邊影下相啦!~!
昨天抵達時還是天陰陰,今日一早起來看見咁好天真係十分感恩呢!~!
出發前在yahoo japan天氣search過一連幾日都是天陰陰或下雨的,
想不到竟然咁好天氣呢!~!
再駕車往前行一小段路便看到有個展望台「狹霧台」,
有無料停車場提供給遊人泊車,從展望台可以看到湯布院的全景
很多時候我倆到日本旅行, 總有日本人問我們是不是Honeymoon!~!
今趟行程起碼有十個人問我呢個問題,最搞笑還問我是不是「韓國人」?~!
响GPS帶路下,我們到達了金鱗湖,
不過眼前卻只是一個掛著「立入禁止」牌的荒山野嶺!~!
無辦法下只好放棄了,在GPS輸入「B-speak」的電話號碼,
一於食下個出名靚蛋糕補返條數先!~!
其實有時行錯路也無乜所謂啦!~!
好似今趟若不是行錯路,就無機會到狹霧台欣賞咁美的風景呢!~!
有時錯有錯著都不錯呢!~!
之前無預計用咁多時間留在湯布院,在計劃下其實我們應該要去九重"夢"大吊橋的,
不過發覺走在湯布院的街上很是寫意,亦想不到有咁多特色小店,最後決定多留一會才走!~!
不過估不到此地成為出血重災區呢!~!
每位自遊行人仕都會買的B-speak蛋糕,
當天可能太早所以不用排隊,輕易買到手了,
特別的包裝讓妳可以六小時不用放進雪柜,其實何需六小時呢?
轉頭便巳經入了我的肚子裏!~!
在湯の坪街道上有很多特色小店,足夠令人消磨大半天時間,
這裏亦是買手信最集中的地方,飛人就帶大家一齊去shopping啦!~!
買嘢買到亂咁泊車 .....HAHAHA !!!
花樣兒時愛看的卡通片鬼太郎在這裏有專門店,
本想買它的音樂CD,不過問了店員並沒有得買,失望而回!~!
此店售賣各類貓型產品,啱哂一眾貓癡,門外一大隻可愛貓貓公仔任影唔嬲
飛人瘋狂購物中,好在我們有車揸,買完嘢擺上車,兩隻手又是一條好漢!~!
拳頭那麼大的「章魚大丸子」
搞搞震但有幫襯的蛋糕店,買了著名湯布院的豆腐雪糕
怪不得咁出名,原來又真的很好吃呢!~!
差不多中午時份,係時候食lunch啦!~! 哎吔,買了條蛋糕都差點忘記了,搵個靚位嘆下先!~!
下期預告 ~ 湖邊野餐 + 尋找大吊橋
各位又唔好錯過啦!~!
沒有留言:
張貼留言