2013 沖繩親子自駕遊 Part 3

2013 沖繩親子自駕遊 Part 3







來到第三天的早上 , 我們身在沖繩的渡假酒店

從露台望出去真的十分漂亮呢。

難得今天咁好天氣 , 一會吃完早餐就帶乖豬B去游水啦 !~! 

果然無book錯酒店 , 呢個靚view不用一千蚊又真的十分抵呢。

一大早人不多 , 太陽也不曬 , 藍天加白雲真舒服。

乖豬B已經換好泳衣 , 也吹好水泡給他

但各位請不要像我一樣咁儍仔自己走去吹

原來好多沙灘也有電動充氣提供的呢。 我真的大鄉里出城了。

酒店提供日式或西式早餐選擇 , 我們揀咗西式。

(以下是乖豬B吃包包連環圖) 

首先他看見有包包食就拍手掌

無人阻止他就唔客氣了。

拿到手感到很開心。

吃一口紅芋包先。

好味的表現。

這其實是GOOD的手勢 , 不過他不懂樹起手指公。

這是我的早餐 , 乖豬B表現很正經呢。

第二round我們走出去吃 , 對住靚景食更開胃。

這兒早餐食物是咁多天以來質數最高的。

難忘他即叫即做的奄列 , 超正 !~!

用餐旁便是教堂 , 能夠在沖繩結婚真的是一件多麼幸福的事。

(又是乖豬B的貪吃連環圖)

E.....點解唔同我平時吃的banana架? 

E........咁似我平時吃的星星餅嘅? 

試下先。

嘩.....乜咁硬架。

在他們享受早餐之際我又回到房間拎埋d游水用品

見到開始多咗d人了。

太陽猛左 , 顯得d水又靚左喎。

好了 , set好架步先。

好野 !~! 先落水行下 , warm up 下先 !~!

D水真的清到無話可說 , 有如玻璃一樣。

我同乖豬B一起研究d沙和貝殼。

正式落水了 , 他用呢個新幹線水泡又ok無扭計喎

當然啦 , 有他最愛的揸車車喎。

不過仍未見他笑過,可能仍然很緊張吧。

反而我覺得媽媽玩得仲開心D呢。

上到浮台終看到他招積仔的笑容了。

和媽媽一起踼水好開心嗎?

而我有一段好好笑的經歷

話說我走去浮潛 , 在水草旁看見一條比較大條的熱帶魚

之後我跟他在海中揮手(好似好儍仔咁)

點知他一支箭已經碰到我個潛水鏡了 , 嚇到我即刻轉身走。

多RELAX的乖豬B , 第一次去沙灘游水便是在沖繩了。

上岸玩下沙沙先。

因為不想他太曬 , 玩一會便回房沖涼了。

住在海邊渡假酒店真方便呢 , 玩完行兩步可以即刻返房。

乖豬B開始對畫野好有興趣。

換過衫後我們在酒店行了一圈。

平時都唔肯帶帽的乖豬B在烈日下也乖乖帶上了。

乖豬B都熱到滿頭大汗了。

之後走去歎返杯welcome drink 先。

係好清新的鮮檸檬汁呢!~!

窗外風光一絶 , 乖豬B都要睇真D。

好似希臘的敎堂頂。

四圍奔跑的他 , 比起香港 , 佢呢幾日行得多咗好多呢。

多麼舒適的中午 , 剛剛游完水全身都好暢快呢。

乖豬B捉蝴蝶呢條片真係要睇下啦。

好好笑呢 !~!

呢間酒店都好大 , 又有遊戲機室。

住戶仲送你遊戲幣玩呢。

乖豬B也玩推銀仔game , 看到他手眼協調能力表現不錯喔。

呢間酒店仲有埋playroom , 乖豬B十分開心呢。

比卡超

我們獨霸一間playroom

看他笑得多開心呢 !~!

好叻仔自己玩。

考慮下返香港買個 sir 滑梯比你啦。

好多玩具玩，正呀 !~!

差不多兩點我們要去另一間在北部的酒店了。

呢間酒店真不錯 , 景觀，價錢，食物，沙灘，設備等都非常滿意

值得推介比各位。

下一間酒店位於沖繩北部 , 好期待呢 !~!

乖豬B在途中已睡著了 , 當然啦 , 今早玩得咁開心 !!!

To Be Continued...........