2013 沖繩親子自駕遊 Part 1

2013 沖繩親子自駕遊 Part 1 (22/06/13)

我們剛剛從沖繩回來幾天,但是已經很想念它了

回顧今趟旅行,真的充滿喜怒哀樂,而今次是我們第三次帶乖豬B出門

但仍然對今次旅程滿懷期待和盼望呢!~!

希望乖豬B也能好好記得今趟我們一家三口的沖繩自駕之旅吧!~!

我相信他一定記得的!!!




說真的沖繩真是一個十分適合帶小朋友去玩的地方

有美麗的海灘，水族館 ，和很多有趣的體驗活動。

我想乖豬B經過今次旅行後 , 視野應該比留在家中更廣濶吧!

起碼我見到他在今趟旅程學會了 car car ，fish fish 和 ice cream呢 !~!

好的!~! 事不宜遲,馬上跟我們來一趟沖繩八日七夜親子自駕之旅吧。

往沖繩的飛機大多安排於中午時候,真的啱晒乖豬B的作息時間呢!~!

Joan姐姐也來送我們機 , 不過好明顯乖豬B不想跟著她

因為他要跟我們去街街呢 !~! 所以攬住媽咪唔放手喔!~!

這次旅行帶了他一直不甚喜歡的米奇陪他

但在這趟旅程上他卻出奇地依靠著它 , 還和它相擁入睡 ,真好笑呢 !~!

為了今趟旅程特別買了新的士的車去 ,

這部又輕又容易摺埋 , 真的方便嘛!~!

就算唔坐都可以放下我那十多公斤的攝影背包呢。

今次旅行前有樣事情真的要分享一下

就是乖豬B在十三個月大前已經懂得在坐低後再踎起身站起來

不用再爬到有扶手或靠牆的地方站起來 ,

而且他在轉身急停等動作亦變得十分純熟了

這亦意味著這次旅行他會有自己的自由自在時間呢，

我們將會變得十分忙碌喔。。。

期待上飛機的乖豬B , 真的很開心 , 仲見到他已經出了六隻牙仔了。

最近仲好似流少咗口水咁喎。

我們也很開心可以放下工作一星期去陪他玩 , 是整整的一星期喔 !

真的未出發已經很興奮。

航程不過是兩小時左右,很容易渡過,

乖豬B在機上又搞呢樣又搞果樣 , 停不了!

飛往沖繩的是全EY的機型 , 但前面卻是Business Class的坐位

可能我們帶著BB的關係, 幸運地有商務位坐, 地方濶一點又無人

乖豬B可以四圍走。

飛機餐中乖豬B最愛吃包包。

BB專用飛機籃, 我倆終於可以有餐安樂茶飯吃了。

當然要先餵飽大少先啦。

有好味的生果吃呢。

好曳要企響度。

俾盒水水佢玩又好開心滿足了。

同爸爸一齊睇卡通片。。。

好彩商務倉無人，可以俾佢四圍 "貢"

看看多麼的好天氣呢 !~!

可是媽媽卻突然告訴我一件晴天霹靂的事情 .........

"老公 , 我好似唔記得帶車牌呀"

哈哈....這個玩笑真的開得太大了, 都唔知比咩反應佢。

那一刻好想掟佢落飛機.......

在十分惡劣的氣氛下我們已到達那霸機場了。

希望一會租車公司見到我電話入面影到既車牌相都會比部車我地啦 !~!

但以日本人認真的態度一定凶多吉少了。

乖豬B仍未意識到事態有多嚴峻 , 在歎他的粥仔呢。

上了租車公司在國內線那兒的免費小巴 ,

那司機人很好 , 我們一喼二喼也幫我們拿上車。

我們已想了多個應變方法

最最最差的方案是白白蝕了租車的$2800再加全程用的士+巴士代步

這個是最不希望用到的。

還有一個希望是找到明天那個同事飛沖繩呢班機 ,

希望可以聯絡到她再把車牌帶過來。

很快就到達租車公司 , 還有一個位置比小朋友玩,真貼心週到

這次旅程我們不是到最多人book車既OTS

因為在出發前已告知當日"無車'了 , 所以我們訂了另一間叫Europcar

乖豬B忘我地爬來爬去揸車車

做小朋友真開心,什麼也不用擔心,只在意吃，瞓，玩。

一如所料租車公司當然不會比架車我地啦。。。

搞左好耐最終我們又回到國內線航廈了。

租車公司只肯將book車時間順延至明天。

回到國內線最開心的又是乖豬B了, 因為又有得揸車車

他真的十分喜歡一手楂駄一手入波的 , 厲害喔!!!

媽媽亦不敢怠漫,第一時間聯絡香港各人

最後check到明天飛沖繩的crew是相熟朋友

加上大姑媽越洋幫助下明天交收車牌事宜應該無大問題了。

時間不早了有點肚餓, 在機場吃了我們在沖繩的第一餐 "沖繩麵"

說真的我又不覺得十分好味,無旅遊書講到曉飛咁

可能我真的鍾情於九州拉麵多點 ,不過那塊肥豬肉也確是入口即溶的。

我們最近也嘗試比乖豬B自己吃飯飯,好讓他增添自信

覺得和我們平起平坐。

雖然他掌握得不是太好,也吃到四圍都係........哈哈。

我們按照行程坐的士到之前預訂了的民宿Guest House Agaihama

怎料郤坐上了賊船...........

那個的士司機上車前話okok , 行行下又話唔識路

佢打去問call台又唔知搞乜,

部GPS又壞......咪錶又不停跳佢又唔stop左佢

可知道在日本坐的士無香港咁便宜架!!!

最後佢死死氣拎部電話打比民宿 ,再教他點去.....

最後落車埋單四千円,差不多三佰幾港紙 (心在滴血.......)

後來第二天我們由民宿回機場才二千多円吧了, 真過份呀!!!

終於到達民宿,乖豬B已經睡著了

今晚住的民宿是我在Agoda網訂的,見它評分甚高,又便宜($450/night)

又想俾乖豬B試下瞓榻榻米呢。 最重要是有wifi呢!~!

不過房間郤有點細少,容不下我們的大喼呢。

不久乖豬B醒來了,幫他沖完涼再出外走走。

要到supermarket買定明天的早餐 (民宿不包早餐)

乖豬B穿了小珊子姐姐送的日本浴衣成個日本仔咁樣。

留意下BB用品是咩價錢,等遲下血拼時才大開殺戒!~!

後悔沒有在此買黑糖, 因全沖繩呢度最平。

回到民宿後乖豬B仍未捨得去睡。

仲講故事俾米奇聽 !~!

最後開支奶奶比佢就瞓著了。。。

第一天就此完結。。。

因為老婆的大意令到我們的行程受阻

明天還要回機場等待下一班港龍機來沖繩 , 希望一切交收順利完成吧 !!!

原本行程是先取車後到南部既丸三吃白熊冰

再到奧武島吃天婦羅 , 之後去埋渡邊之茶屋賞日落才回民宿的

如今白白浪費了一天寶貴時間呢 !!!

不過可知道帶著BB去既旅行多數也不太能夠跟足行程

總之BB開心就大晒的,看今天乖豬B咁多車車揸多開心呢 !~!


。。 To Be Continued 。。