2013 沖繩親子自駕遊 Part 9

2013 沖繩親子自駕遊













我要快d完成呢個沖繩之旅先 !~! 

上回說到回歸沖繩那霸市既酒店 

入住史上細無可細既APA Hotel Naha

我之所以book呢間酒店是因為它擁有大浴場

晨早流流趁乖豬B未醒 , 我和老婆輪流入去浸下浴。

享受一下久違了的浸溫泉之樂。

酒店提供的免費任食早餐。

食完早餐後我們又再出發往昨晚的商店街

因昨晚看到有間賣BB用品的 , 所以想去看一下咩環境。

呢間舖頭叫Birthday , 我們到達後乖豬B已睡著。

啱晒啦 , 我們可以慢慢揀了。

嘩 , 價錢真係好平呀 !~!

雖然價錢比西松屋貴少少 , 但勝在款式夠多夠潮。

連屎塔cover都咁靚 , 死未 !!!

麵包超人浴衣真係好得意呀。

商店一角有個 play area , 可放小朋友入去玩 , 家長可以輕鬆shopping。

好彩乖豬B無揀女仔玩具 , 揀玩男仔的機械人玩具。

在日本買麵包超人的玩具真的平過香港好多呀。。。

乖豬B也在揀衫衫

但係佢都係鍾情於揀玩具多D。

嘩 !~! 收穫豐富呀。。。

買完衫衫又走過隔里吃 Blue Seal 雪糕 , 呢款青檸味好清新。

因為今天要還車 , 我地要把握機會揸去一d難搭車的地方。

我們目標地方是泊市場食新鮮的刺身。

好多新鮮上岸的魚獲直接在這裡出售。

乜D魚眼咁大粒架?!

市場內也有賣刺身飯的食店。

地方不算大 , 當然比起東京的築地不可相提並論啦 !!!

心情High爆的乖豬B , 無得吃刺身都咁開心。

眾裡尋它 , 最後決定吃在香港不會捨得吃的拖羅刺身 !~!

呢塊不用港紙二佰圓 , 真係堅超值。

師傅手起刀落。

我們美味的午餐 。

加多客新鮮的鮑魚刺身。

這個午餐也太豪華了吧。

乖豬B話 Oh My God , 我無得吃喎 .......

入口即溶的拖羅 , 鮮味爆燈 !!!!!!!!!!!!!!!

唔夠喉再走去吃即開生𧐢。

200円一粒肥美生𧐢。

我揀呢粒夠肥美吧。

好味到進入另一個世界的樣子。

行完泊市場後 , 我們下一站去了沖繩頗出名的通堂拉麵。

可惜愛吃麵的乖豬B睡著了。

好耐都無試過在日本吃拉麵了 , 對上一次已是09年的北海道之旅了。

呢個小配菜味道也不錯呢 , 仲要任吃的。

可惜乖豬B瞓醒時我們連湯也已經喝完了。

唔緊要啦 , 我地今日還車前帶你去一轉吃白熊冰。

四十多年的刨冰老店。

看他們的表情便知好嘢黎緊啦 !~!

主角白熊冰黎啦 !~!

乖豬B已急不及待啦 !~!

媽咪你影完未呀 ........

好味 ... GOOD !~!

食完刨冰後我們便要還車了 , 要開始用雙腳進行移動了。

租車公司車回我們到國內線航廈。

又回到六日前乖豬B最愛的國內線。

又可以揸他最愛的黃色跑車。

我們看完在沖繩最後的日落便出發到那霸市中心了。

乘這種單軌列車出市中心。

我們到那霸最著名的國際通行街。

不過每間店也買著差不多的手信 , 走多一兩間巳沒什麼興趣了。

影下呢張咁得意的苦瓜櫈先。

好八的乖豬B在看矢吹丈為什麼垂下頭 , 想睇下佢咩樣。

想到呢間卡樂B專門店可惜遲了一步。

行完街要去吃晚飯了 , 走下走下發現有間親子餐廳。

好嘢 , 乖豬B也自己吃一份先。

爸爸的牛扒餐。

媽媽的豬扒餐。

餐廳門外有好多玩具玩呢。

這間餐廳水準不錯 , 有得吃又有得玩

帶小朋友去的我會推介給各位。



To Be Continued





下集終於完結了 , 多謝各位收看。