This Is Our Dream東京北海道自駕遊 (二)

第一晚在日本睡得十分香甜,第二日既行程將會是參加當地一日團去富士山,

集合時點是早上七時半在上野JR公園口停車場！除了我們四人外,也有香港人join團,

而有一半的就是日本人！導遊小姐全程用一半國語一半日語和各團友溝通！

上了車後惡夢正式展開！因為日本一連放幾天假,所以由東京往山梨縣的公路上十分濟塞！

我也是第一趟感受到在日本塞車的慘況！更可怕的是本想安安靜靜的在車上繼續瞓埋那未完的覺,

不過坐在身後的一班日本人由天光一直講到天黑未停過！

反而我哋呢班香港人平時講嘢大大聲的倒變得安靜,一粒聲都無！他們真的是日本人嗎？

經歷了三小時的塞車終於都來到富士山五合目了！

因山上天氣十分不穩,影了幾張相後整座山可以消失於大霧之中！

不過話時話,被日本人奉為神山的富士山一點也不漂亮！可能是我們從山腰觀看的關係吧,

若從御殿場outlet那處遠望應該會更好看啩？！又或者山頂上積著雪的富士山會更吸引吧！

,

在富士山的郵局寄了封信給自己,唔知幾時先收到呢？

之後在此處停45分鐘給團友參觀！我們去了「小御嶽神社」

總括來說對於一心來看富士山的我真的十分失望！

之後去了山梨縣甲府市食午餐！午餐是以buffet形式,最正係炒豬肉,唔錯架夠熱辣辣！

不過要我俾錢食我唔會食囉！！！和導遊order了兩個富士山麵包,富士山的外形but難吃死了！

食飽就帶我哋去遊花園！~！

ハーブ庭園我聽都未聽過,好像是台灣人開的！

進園後由一位操國話的台灣婆邊帶我們邊介紹產品！睬妳都傻影相先！

不過明知道明天巳身在富良野的花田中,此等花園仔我又怎會放在眼內呢？！

就當作是去富良野影花前的一個練習也不錯！

這裏給我的感覺好似返咗去參加大陸短線遊咁........話安排妳睇花啫,買產品才是重點！

我們身在何方呀？一點也不像日本！連車上嘈喧巴閉的日本人究竟是不是日本人呢？

不過報名參加呢個團又衰唔晒喎！包埋你到葡萄園任食巨峰提子30分鐘！

淨係呢度巳值回票價了！團費6980円,這裏巨峰提子1kg1500円！

看我們鯨吞多少kg巨峰呢？

媽的！有無咁大粒呀？成粒西梅咁大！！！

這裏的葡萄樹很矮,要烏低身才行到！個個踎响地食！

我們梗係唔靚唔大粒都唔揀嚟食啦！勁多汁！非常極度好好好好好.............好好味！

四個食到飽晒！相信呢幾個月我唔會再有興趣去飲提子汁囉！

很快就天黑了！導遊說從這裏回到東京起碼要塞五小時以上,差不多十一點才能到達！

天呀！今日坐响巴士坐到人都顛呀！

在休息站買了超好味叮噹銅鑼燒作晚餐,預備展開回程的五小時車程！

比原定做了半小時,終於在十點半到達上野了！立即趕回蒲田吃宵夜啦！

晚餐都仲未食！去了和民居酒屋食！

食物算不差！不過check bill時發覺收多了我們千幾円,問侍應是什麼？

他說是前菜的沙律！不過我哋無order喎！我仲以為係free的！成千幾円我一定唔會食啦！

碟三文魚剌身都只係480円之嘛！最後死死氣幫我哋取消！

明天早上將會離開東京,正式展開我們的北海道自駕遊！各位唔好錯過啦！！！